借錢買股小談

今天和一位朋友吹水, 和我一樣, 他也有借錢買股票, 但得到的回報卻不甚理想...

我: "咦? 你做乜咁愁啊"

朋友: "唉.. 之前借了錢買江西銅(358)... 蝕到pk.."

我: "你借錢買股..??"

朋友: "係啊.. 借了2萬蚊買佢, 博佢升2成... 點知唔升不特止, 仲冇o左3成, 跟住止o左蝕啦"

我: "咁係邊間借啊.. 息率okay嗎?"

朋友: "係東亞借循環貸款..年息好似8厘幾.."

我: "有o的貴boo...其實你借錢前有冇計劃o架?"

朋友: "邊有丫.. o個陣見江西銅係咁升, 就搵間比較方便的銀行借錢入市, 係呢, 你因乜事要借錢?"

我: "我都係買股"

朋友: "依家戰績okay嗎?"

我: "都坐艇啊.. 不過借錢前就格好晒價, 負擔得起, 計過有數圍先借..所以都唔係好擔心"

我(續): "格價後, 發現永亨/中銀都幾平, 於是走去申請, 最後2間都批, 比較過係永亨平少少.. 借50000蚊, 分12期還, 總額外支出hkd1530左右(平息0.175%), 仲要比我屈多2個月延期還款"

我(續): "以匯控來說, 股息一年2600蚊, 扣除借錢利息支出其實有錢落袋. 不過今期我買了中行...同樣穩陣但資本增值能力會比匯控強些"

朋友: "中行係平, 但上落好似好少"

我: "借錢的大原則係做好風險管理, 計落有數圍就okay... 其實我應有更好選擇, 就係交行, 依家諗落有o的後悔"

朋友: "哈哈~"