前輩之言

今天跟一位製造業界的客戶B談論當今的政經形勢.
他所經營的公司既是本港某類制造業的龍頭, 他本人亦在社會打滾了四十多年.
以下是我跟他的對話..

A: 我 B: 客戶

......
A: "咁B你的生意最近有好番o的嗎?"

B:"根本就冇. 應該係話今年都預o左唔會好. 能夠生存都唔錯啦. 依家入原材料, 都係係度睹. 依家未接到單o架"

B:"如果你到歐美就知, 根本o的鋪頭冇乜人買野. 睇番香港丫. 貨運量係咁跌. 消費層面的話你睇下夜晚有幾多人去茶餐廳就知. 茶餐廳晚市有冇坐滿人?"

A:"咁又冇喎... 都係一半到o乍. 不過經濟咁差o的樓股仲係咁升..."

B: "依家個股市不過係熱錢流入市場. 依家的經濟跟本support唔到個市. 個市睇多一個月啦.
實會跌番落黎"

A:"哦.. ?"

B:"樓都就黎到頂啦. 要買樓幾個月後先睇都得"

B:"依家個樓市係咁升. 同08年雷曼債劵係同一手法, 都係搵人笨."

A:"?"

B:"當年o的人買雷曼債劵係因為銀行息低, 有錢係銀行的人身癢,貪債劵高息走去買. 最後邊個估到雷曼會執? 同樣道理. 呢個樓市小陽春, 係要呃埋o的手頭有些少錢的人. 因按揭同存款息低去買樓. 當樓價一跌買o左樓的人就...嘿"

A:"但依家個個國家係咁印銀紙喎. 個個都驚通貨澎漲, o的野變貴晒. 唔買樓買股票點保值啊?"

B:"就係咁先引到大堆人落疊...總之睇定o的, 經濟唔好o的野只會越來越平. 依家最重要係留多o的cash (持盈保泰)"

A:"咁我都睇定o的先"

忍唔到手

面對這個"大牛市". 等了幾天又是忍唔到手.
今次主要買些資產折讓股 (即NAV/CASH Value值10蚊, 但股價反映只值2-3蚊o個隻)

買入香港華人(655), 作價0.73.
海港企業(51)5.25買 (己除淨) - 持有.

套現。儲彈藥

將踏入6月, 把握機會, 把手上持倉重的股票沽出.

嘉華(173) 平均1.29買 --> 1.71全沽 (賺約32%)
交銀(3328) 7.01買 -->6.90全沽 (蝕1.5%)
海港 (51) 5.25買 -->持有

手頭現金比重達到41%. 大部份餘貨均是長倉. 負債0.
現在可以輕鬆面對海潚了.

買入交銀 (3328)

今天再以7.01買入交銀(3328)作短炒.

現在短倉(新)如下:
交銀 (3328) -- 7.01買
海港企業(51) --5.25 (己除淨) 買
嘉華 (173) -- 平均1.29買
美鋁 (aa) -- 9.20買

短倉中, 嘉華(173)持倉較重. 亦寄以厚望.
如果上開inv168的朋友, 應該知道我為什麼會買以上的股票.

繼續沽售匯控 (0005)

今天以67.0 沽出部份匯控(0005). 虧損32%.
由五月至今, 己減持一半匯控.
希望把資金投入更具潛力的股票上.

開始投資美股

不久前在e-trade 開了美股賬戶. 昨天入數. 今晚開始可以投資美股了.
對於喜歡經濟數字的我. 晚上有新的節目了.

總投資金額HKD12,000 看看到年底會有多少 :)

買入海港企業(51)

昨天買入少量海港企業(51), 作價5.4 ...(有點高)
買入原因是因為之前跟某高人投機316等賺了點錢.
加上這股資產淨值13元多. 買一點試試.

沽出部份滙控(0005)

自從不再迷戀所謂"優質"股後. 做事也少了拖泥帶水
今天沽出部份匯控. 作價56.5. 蝕43.3%
現價約15倍p/e. 09年業績幾乎肯定倒退的情況下,
股價著實過高. (雖然帳面值約1, 在銀行股來說算是便宜)

現在股市雖然有資金流金不斷上升. 但實體經濟始終沒有好轉過來.
失業情況同樣令人擔憂

股市自3月開始大升. 卻不作適當調整... 只會令日後跌得更傷
公屋仔預計5月中開始業績期後會有相當調整. 届時才是掃入優質股的良機

現階段策略是, 繼續套現增持現金比重, 靜觀其變.