坐艇小記 - 中行篇

話說買入中行(3988) 及創科(669)後, 股價因"潛水資金"被截而持續不振...

上週未與朋友暢談股市, 當友人得知我買入中行, 都十分不屑...

朋友A: "阿sam, 好買唔買, 你買中行!? 唔係丫嘛"

朋友B:"係啦.. 升又升得慢, 跌就特別快."

朋友A(插嘴): "x!(請自行幻想) 我手上都有佢, 但個市升又唔升, 市跌佢又跟住跌, 我真係好 L想放o左佢, 扎住晒o的錢"

朋友B接上: "比我就買交行, 招行啦.. 工行都好過佢多多聲啦.. 你睇, 工行遲過佢上市, 依家最高都成7個幾, 睇下你o個隻, 最高都係5個幾, 好買唔買買最衰個隻"

朋友A: "我都好L後悔, 阿sam你真係傻仔"

我: "....."(真的是傻仔麼?)

朋友A&B: "見你咁慘買o左中行, 又坐艇...請你食tea啦"

我 (滴汗): "好... 多謝晒" (好似講到世界未日咁)

其實有o的擔心, 所謂擔心只係覺得入貨時間太早, 令我要多坐一陣艇... 我就唔信一年內會上唔番買入價 (我睇一年目標係最少3成升幅, 即6蚊左右)