講男．港女

生意淡薄, 跟一些客戶閒聊時談及最近熱爆全城的節目 -- <<星期日檔案>>講男．港女系列.

客戶a (中年女姓己婚有一子): 梗係有睇啦. 其實香港的女仔有時要求物質都好正常丫. 邊個唔想要多o的野. 個節目講到o的香港女仔好貪心. 你問下其他地方有邊個女仔唔貪心? 呢個心態個個都有啦. 反而我個仔就真係十足講男...

我: 你個仔?

客戶a: 事實我個仔係咁丫嘛. 上堂唔比心機讀書, 一返到屋企就打機. 食飯叫佢又唔應. 都唔知佢想點. 我係女仔都唔吼佢啦.

我: 咁你要幫下佢嘛....

客戶a: 幫都冇用, 都怪佢唔爭氣. 怪唔之得港女睇港男唔順眼

我: 哈哈 (苦笑)...

= = = =

我: 係呢, 最近有冇睇<<星期日檔案>>的講男．港女?

客戶b (年約30歲男未婚): 哦.... 個節目有睇啊.

我: 咁你點睇套野啊, 佢咁形容港女你認唔認同?

客戶b: 不嬲都係咁o架啦.

我: 有冇考慮追佢地啊?

客戶b: 晒氣啦.

我: 點解啊?

客戶b: 都話晒氣, 自己一個人好地地個乜要去受氣?

我: 哦...

客戶b: 我又唔係冇錢, 去澳門大陸搞掂咪得啦. 我先唔會學人地買名牌手袋比人咁傻

= = = =

這個話題, 似乎是男的偏向幫男, 女的偏向幫女. 從性別己經可以睇到對方的立場. 可能關係到自身利益吧.

男vs女, 永遠沒有結論. 只有結果: 女的地位繼續提高, 但擇偶機會越來越少. 男的地位每況愈下, 驅使更多人北上尋找自己的幸福.

男女角力, 究竟誰得到的多? 還是失去更多?