替家人管理財富(4)

今天回家, 母親大人剛看財經新聞, 憂心忡忡說恆指又大跌....

家人: " 大市又跌了... 我隻煤氣唔知點呢?"

我: "你o個隻跌少少...放心冇問題..."

家人: "咁你o個o的呢..."

我: "okay啦.. 我大部份股票都係公務員股黎嘛"

家人: "玩股票始終係睹博... 呢o的野本來就唔係我地o的小市民玩"

我: "都話o左我入的大部份係公務員股...好穩陣.. 我注重股息嘛, 呢o的野都係"梗"o左"

家人: "唔係喎... 股價升放o左佢咪有錢..."

我 : "股價升只係賬面好睇o的. 你知幾時應該賣嗎? 隻股票話唔定會倒跌.. 咁點算?"

家人: (無語)

我: "出黎做過幾年野的人都知, 世上週圍都係騙子同吹水佬.... 一間公司的前景可以比人"吹"出黎, 盈利可以人為咁"造"出黎, 一夜之間可以唔見晒...股價又會比人舞高弄低...但股息係真金白錢落你袋..."

我 (續) : "股息的確定性(certainty)高, 你會知道幾時有幾錢入袋... 股息越高, 又能持續增長, 咁就越有數得計... 比人既信心都大o的啦"

我 (續): " 依家個市我o的股由得佢, 跌多少少會再買多o的... 反正大部份股票的股息都高過定期... 有乜好驚?"

家人: "你都係小心o的好..."